कुवेतसँग खेल्ने नेपाली टोलीको घोषणा

काठमाडौं - कतारमा आयोजना हुने फिफा विश्वकपको दोस्रो चरणको छनोट अन्तर्गत कुवेतसँगको खेलका लागि नेपाली राष्ट्रिय फुटबल टोलीको घोषणा गरेको छ। अखिल नेपाल फुटबल संघ (एन्फा) ले शुक्रबार कुवेतसँग खेल्ने २३ सदस्सीय नेपाली टोलीको घोषणा गरेको हो ।

नेपालले मंसिर ३ गते भुटानको थिम्पुस्थित चाङ्लिमिथाङ रंगशालामा कुवेतविरुद्ध घरेलु खेल खेल्दैछ। खेल यस अघि दशरथ रंगशाला हुने भनिएपनि अन्तर्राष्ट्रिय मापदण्ड अनुसार तयार नभएकाले फिफा र एसियन फुटबल फेडेरेसन (एएफसी) ले खेल न्यूट्रल भेन्युमा गर्न एन्फालाई निर्देशन दिएको थियो। त्यसपछि एन्फाले भुटानमा खेल गर्न प्रस्ताव गरेको थियो।

यस अघि कुवेतसँग भएको अवे खेलमा नेपाल ७-० ले पराजित भएको थियो। छनोटको सबै अवे खेल खेलिसकेको नेपालले ४ खेलमा ३ अंक जोडेको छ।

यस्तो छ कुवेतसँग खेल्ने नेपाली टिम :

गोलकिपर : किरण चेम्जोङ, विकेश कुथु, विशाल श्रेष्ठ

डिफेन्डर : सरोज दाहाल, अजित भण्डारी, दिनेश राजवंशी, अनन्त तामाङ, देवेन्द्र तामाङ, रजिन धिमाल, सुमन अर्याल

मिडफिल्डर : रोहित चन्द, सुनिल बल, रवी पासवान, अन्जन बिष्ट, सुजल श्रेष्ठ, बिक्रम लामा, तेज तामाङ, सन्तोष तामाङ, मिक्छेन तामाङ

फरवार्ड : भरत खवास, विमल घर्ति मगर, अविशेक रिजाल, नवयुग श्रेष्ठ