वेस्ट इन्डिजद्वारा अफगानिस्तानविरुद्धको क्रिकेट शृंखला क्लिन स्विप

काठमाडौं- वेस्ट इन्जिडले अफगानिस्तानसँगको एकदिवसीय क्रिकेट शृंखला क्लिन स्विप गरेको छ। सोमबार राति सम्पन्न अन्तिम तथा तेस्रो खेलमा अफगानिस्तानलाई पाँच विकेटले पराजित गर्दै वेस्ट इन्डिजले ३-० ले शृंखला जितेको हो।

२५० रनको चुनौती पछ्याउँदै ब्याटिङ थालेको वेस्ट इडिजले ४८.४ ओभरमा पाँच विकेट गुमाएर लक्ष्य पूरा गर्यो। वेस्ट इन्जिजलाई जित दिलाउन प्रारम्भिक ब्याट्सम्यान साइ होपले अविजित १०९ रन बनाए। त्यस्तै, रोस्टन चेसीले अविजित ४२ रन तथा ब्रान्डन किङले ३९ रन जोेडे।

अफगानिस्तानका मुजिब उर रहमानले सर्वाधिक दुई विकेट लिए।

यसअघि टस हारेर पहिले ब्याटिङ गरेको अफगानिस्तानले निर्धारित ५० ओभरमा सात विकेट गुमाएर २४९ रन जोडेको थियो। अफगानिस्तानका लागि अस्घर अफगानले सर्वाधिक ८६ रनको योगदान दिए। यस्तै, हजरतउल्लाह जाजई र मोहमद नाबीले समान ५० रन बनाए।

वेस्ट इन्डिजका किमो पाउलले तीन तथा अल्जारी जोसेफले दुई विकेट लिए।

एजेन्सी