भारतसँग बंगलादेश पराजित

काठमाडौं- भारतमा जारी टी-२० क्रिकेट शृंखलाअन्तर्गत दोस्रो खेलमा भारतले बंगलादेशलाई पराजित गरेको छ।

राजकोटमा बिहीबार राति सम्पन्न खेलमा भारतले बंगलादेशलाई आठ विकेटले पराजित गरेको हो। १५४ रनको चुनौती पछ्याएको भारतले १५.४ ओभरमा दुई विकेट गुमाएर लक्ष्य पूरा गर्याे। भारतका लागि कप्तान रोहित शर्माले ८५ रनको आक्रामक पारी खेल्दै टिमलाई जित दिलाए। उनले ४३ बलमा ६ छक्का र ६ चौका प्रहार गरे।

शिखर धवनले ३१ र श्रेयस ऐयरले अविजित २४ रन बनाए। बंगलादेशका अमिनुल स्लामले दुई विकेट लिए।

यसअघि टस हारेर पहिले ब्याटिङ गरेको बंगलादेशले निर्धारित २० ओभरमा ६ विकेटको गुमाएर १५३ रन जोडेको थियो। बंगलादेशका लागि मोहम्मद नाइमले ३६, सौम्य सरकार र महमुदुल्लाहले समान ३० रन बनाए।

खेलको प्लेअर अफ दि म्याच रोहित घोषित भए।

जितसँगै भारतले बंगलादेशसँग ३ खेलको टी-२० क्रिकेट शृंखलामा १-१ को बराबरी गरेको छ। यसअघि पहिलो खेलमा भारत बंगलादेशसँग ७ विकेटले पराजित भएको थियो।