पहिलो दिन एमसीसीको बलियो स्कोर

काठमाडौं - मेरिलेबोन क्रिकेट क्लब (एमसीसी) ले फर्स्ट क्लास क्रिकेटको पहिलो दिन नेपालविरुद्ध उच्च योगफल तयार परेको छ। कीर्तिपुरस्थित टियु क्रिकेट मैदानमा टस हारेर पहिले ब्याटिङ गरेको एमसीसीले बिहिबार ८६ ओभरमा ६ विकेट गुमाएर ३ सय ११ रनको बलियो योगफल तयार परेको हो।

खराब प्रकासको कारण ९ ओभरको खेल भने बाँकी रहेको छ। एमसीसीको उच्च योगफल तयार पार्न तीन खेलाडीले अर्धशतकीय पारी खेले। विल रोड्सले ७३ रनको अर्धशतकीय पारी खेल्दा विल भान्डेर्सपारले ५३ रन र मिल्स हाम्मोन्डले ५२ रनको अर्धशतकीय पारी खेले।

त्यस्तै टम वेस्ट्लीले ३९, एड योङले १७ र बिली गोडलम्यानले १० रन जोडे। यासिर अराफाट ३५ र एलेक्स थोम्पसन २१ रनमा अविजित रहेका छन्।

नेपालका लागि सोमपाल कामी, सन्दीप लामिछाने र शरद भेषवाकरले समान दुई-दुई विकेट लिए। अब बिहीवार पनि एमसीसीले सुरुवातमा ब्याटिङ गर्ने छ।