काठमाडौं- काठमाडौं महानगरपालिका भित्र तपाईको घर वा जग्गा छ ? यदी छ भने तपाईले आफ्नो सम्पत्ति अनुसार महानगरपालिकालाई कर तिुर्नपर्छ ।
महानगरपालिकाले आगामी आर्थिक बर्षको लागि सम्पत्ति कर लागु गरेको छ । यदी तपाईको सम्पत्ति एक करोड रुपैयाँसम्म मात्र छ भने तपाईले मुल्यांकनको ०.०१० प्रतिशत अर्थात् एक हजार रुपैयाँ कर तिरे पुग्छ ।
तर यदी एक करोड रुपैयाँ भन्दा माथि दुई करोड सम्म सम्पत्ति भएमा मुल्यांकनको ०.०१५ अर्थात् १५०० रुपैयाँ तिर्नुपर्छ ।
त्यसैगरी तीन करोड रुपैयाँसम्म छ भने ०.०२० अर्थात् दुई हजार, चार करोडसम्म भएमा ०.०४० अर्थात चार हजार रुपैयाँ, पाँचकरोड रुपैयाँ सम्मको सम्पत्ति भएमा ०.०६० प्रतिशत अर्थात् ६ हजार रुपैयाँ र ६ करोड सम्मको सम्पत्तिमा ०.१०० अर्थात् १० हजार रुपैयाँ महानगरपालिकालाई कर तिर्नुपर्छ ।
त्यस्तै ८ करोडसम्मको सम्पत्तिमा ०.०३०० अर्थात् ६० हजार रुपैयाँ १० करोड सम्मको सम्पत्तिमा ०.४५० प्रतिशत अर्थात् ९० हजार रुपैयाँ र त्यसमाथिको जति भएपनि ०.६०० प्रतिशतका दरले कर लाग्ने महानगरपालिकाले जनाएको छ ।
महानगरपालिका अनुसार भवनको क्षेत्रफल कायम गर्दा स्विकृत नक्सा र निर्माण भएको भवनको क्षेत्रफलमा फरक परेमा निर्माण भएको भवनको क्षेत्रफललाई आधार मानेर सम्पत्ति कर निर्धारण गरिने छ ।
प्रकाशित: Dec 31, 2017| 18:23 आइतबार, पुस १६, २०७४
