काठमाडौं- आज असार १३ गते शुक्रबार कहाँ के-के भयो? अब थाहा पाउनुहोस्, नेपाल समय दिनभरी।
प्रमुख प्रतिपक्ष दल नेपाली कांग्रेसका सभापति शेरबहादुर देउवाले केपी शर्मा ओली नेतृत्वको सरकार ढाल्ने चेतावनी दिएका छन्।
राष्ट्रिय प्रजातन्त्र पार्टीका अध्यक्ष कमल थापाले कांग्रेस र कम्युनिष्टको विकल्पमा राष्ट्रवादी शक्ति तयार भएको दाबी गरेका छन्।
सिरिन्ज आक्रमणको अभियोगमा समातिएका सन्तोष कार्कीले आफूले सिरिन्ज नभइ रमाइलोका लागि काँटीले घोचेको बयान प्रहरीलाई दिएका छन्।
प्रतिनिधिसभाले विनियोजन विधेयक अन्तर्गतका ३ वटा आश्रित विधेयकहरुलाई बहुमतले पारित गरेको छ।
देशको व्यापार घाटा चालु आर्थिक वर्षको ११ महिनामा १२ खर्व ११ अर्ब ९६ करोड ७७ लाख रुपैयाँ पुगेको छ।
सत्तारुढ नेपाल कम्युनिष्ट पार्टी (नेकपा)ले नेता मदन भण्डारीको ६७ औं जयन्ती मनाउँदैछ।
अबौ खर्चिएका आयोजनाहरु केही निर्माणकै क्रममा थन्किएका छन् त केही वर्षदिन नपुग्दै पुरानै अवस्थामा फर्किएका छन् । जसले गर्दा असारे विकासबाट नागरिकले सेवा पाउन सकेका छैनन् ।
नेपाली कांग्रेसमा विलय भएको विजय गच्छदार नेतृत्वको तत्कालीन नेपाल लोकतान्त्रिक फोरमलाई नेपाली कांग्रेसको २ सय महासमिति सदस्य दिइएको छ भने २५ हजारभन्दा बढी सक्रिय सदस्य दिइएको छ।
भद्रकाली मन्दिरमा एक युवतीमाथि बर्बर आक्रमण गर्ने धर्तीमातालाई प्रहरीले बाजालुबाट पक्राउ गरेको छ । महानगरीय प्रहरी परिसरको टोलीले शुक्रबार (आज) बिहान पक्राउ गरेको हो ।
राजस्व चुहावट गरेको आरोपमा सागर एण्ड साधना विजनेस प्रालिविरुद्ध राजस्व अनुसन्धान विभागले जिल्ला अदालत काठमाडौमा मुद्दा दायर गरेको छ।
अडिटर्स एसोसिएसन अफ नेपाल (अडान) का अध्यक्ष मोहनकुमार रेग्मीले सरकारले निर्माण व्यवसायीको क्षेत्रमा गरेको भ्याटको व्यवस्था अव्यवहारिक भएको बताएका छन्।
बजेट बिनियोजन र खर्चका विषयमा जनप्रतिनिधि र प्रमुख प्रशासकीय अधिकृतबीचमा विवाद भएपछि कैलाली र कंचनपुरका चारवटा स्थानीय तहहरुले निर्धारित समयमा बजेट ल्याउन सकेनन्।
पत्रकार भैरव रिसालले ज्येष्ठ नागरिकलाई ‘स्वेच्छिक मरण’ गर्न पाउने कानुनी व्यवस्था गर्न सरकारसँग माग गरेका छन्।
रोजगार अनुमति प्रणाली (ईपीएस) अन्तर्गत कोरियन भाषा परीक्षा को नतिजा सार्वजनिक भएको छ।
गृह मन्त्रालयका सह-सचिव रामकृष्ण सुवेदीको गाडीमाथि कारवाही गरेका ट्राफिक प्रहरीलाई सम्मान गरिएको छ ।
विवेकशील नेपालीको राष्ट्रिय नीति सम्मेलन रोल्पामा सुरु
विवेकशील नेपाली पार्टीको नीति सम्मेलन रोल्पाको सदरमुकाम लिवाङमा सुरु भएको छ।
यस वर्षपनि सामुदायिक विद्यालयको नतिजा राम्रो आउन नसकेको भन्दै सरोकारवालापक्षले दुःख व्यक्त गरेका छन्।
जब जब झरी पर्छ र बबईमा बाढी आउँछ, दङ्गालीहरुलाई ५ वर्ष अगाडिको कहालिलाग्दो समय ताजा बनेर आउँछ। आकाशमा बादल देखेरै बबई किनारका बस्तीहरु डराउँछन्।
केहि सातादेखि राजधानीबासीलाई त्रसित बनाउने गरि मच्चिएको सूई आतंक काण्डमा संलग्न भएको आशंकामा प्रहरीले एक युवालाई पक्राउ गरेको छ ।
राष्ट्रिय परीक्षा बोर्डका अनुसार निश्चित विषयमा निश्चित ग्रेड ल्याए मात्र चाहेको विषय लिएर कक्षा ११ मा भर्ना हुन पाइनेछ ।
खेतखेतमा हली जौत्दैछन्, ब्याडे बिउ काड्दै छन् । लाठे बाउसे गर्दैछन् । रोपाहार छुपुछुपु धान रोप्दैछन् । बेलाबेला हिलो खेल्दै असारे भाकामा गीत गाउँदा उनीहरूले सबै थकान भुलेको महसुस हुन्छ ।
खुटिया सडकमा स्कारपियोले च्यापेर एक महिलाको ज्यान गएको छ। अर्की एक महिला घाइते भएकी छिन्।
ब्राजिल घरेलु मैदानमा आयोजना भएको कोपा अमेरिकाको सेमिफाइनलमा प्रवेश गरेको छ।
जापानको एक कम्पनीले डिएनए रिर्पोटको मद्दतले र्पाटनरको खोजी गर्ने नँया व्यवस्था ल्याएको छ। जसलाई ‘स्पीड डेटिङ’ भनिन्छ।
प्रकाशित: Dec 31, 2017| 18:23 आइतबार, पुस १६, २०७४
