यस्तो छ रुपन्देहीका ६ नगरको बजेट 

भैरहवा- रुपन्देही जिल्लाका नगरपालिकाहरुको बजेट स्थानिय सरकार प्रमुखहरुले प्रस्तुत गरेका छन् ।

लुम्बिनी सांस्कृतिक नगरपालिकाले भने नीति तथा कार्यक्रम मात्रै प्रस्तुत गरेको छ भने बजेट सार्वजनिक गर्न सकेन । बाँकी पाँच नगरपालिकाको नगरसभामा बजेट प्रस्तुत भएको छ । 

बुटवल उपमहानगरपालिका 

बुटवल उपमहानगरपालिकाले आर्थिक वर्ष २०७६/७७ का लागि एक अर्ब ९० करोड रुपैयाँ बराबरको बजेट प्रस्तुत गरेको छ । जस्मा चालुतर्फ एक अर्ब १२ करोड अर्थात् करिब ५९ प्रतिशत र पुँजीगततर्फ ७७ करोड ९८ लाख अर्थात् ४१ प्रतिशत बजेट विनियोजन भएको छ ।

शिक्षा, स्वास्थ्य, पर्यटन, कृषि र पूर्वाधार विकासलाई प्राथमिकता दिएको बजेटको मुख्य उद्देश्य सबल आर्थिक केन्द्र समुन्नत बुटवल निर्माण गर्दै ‘समृद्ध बुटवल : खुसी जनता’ रहेको उल्लेख छ ।

उपमहानगरको नीति तथा कार्यक्रम पारित भएसंगै यो आकारको बजेट प्रस्तुत भएको हो । पर्यटन, कृषि, उद्योग, व्यापार–व्यवसायलाई बुटवलको समृद्धिको आधार मान्दै योजना कार्यान्वयनको वर्ष रुपमा लिंदै बुटवलले नीति तथा कार्यक्रम प्रस्तुत गरेको थियो ।
 
सिद्धार्थनगरपालिका भैरहवा

जिल्ला सदरमुकाम समेत रहेको सिद्धार्थनगर भैरहवाको आगमी आर्थिक बर्षकोलागी १ अर्ब १८ करोड भन्दा बढीको बजेट प्रस्तुत भएको छ । 

रुपन्देहीको सिद्धार्थनगर नगरपालिकाले आगामी आर्थिक वर्ष २०७६÷७७ का लािग पर्यटन, कृषि, खेलकुद, फोहोर व्यवस्थापन, पूर्वाधार विकास लगायतलाई प्राथमिकता दिँदै १ अर्ब १८ करोडको बजेट ल्याएको छ ।

तिलोत्तमाको बजेट एक अर्ब ५४ करोड 

रुपन्देहीको तिलोत्तमा नगरपालिकाले आर्थिक वर्ष २०७६÷७७ को लागि एक अर्ब ५४ करोड रुपैंयाँको बजेट प्रस्तुत गरेको छ । पाँचौं नगरसभाको मंगलबार बसेको दोस्रो बैठकमा नगर उप–प्रमुख एवं बजेट तथा कार्यक्रम तर्जुमा समिति संयोजक जागेश्वरी चौधरीले एक अर्ब ५४ करोड ३९ लाख १० हजार रुपैंयाँको बजेट प्रस्तुत गरिन् । 

बजेटमा शिक्षातर्फ सबैभन्दा बढी अर्थात् ३१ करोड ६६ लाख २७ हजार विनियोजन गरिएको छ । यसमा शिक्षक, कर्मचारीहरुको तलबका अतिरिक्त सामुदायिक विद्यालयहरुको भवन तथा पूर्वाधार निर्माणमा ६ करोड, दिवा खाजा, यातायातलगायत विभिन्न शीर्षकमा रकम विनियोजन गरिएको छ ।

यसैगरी स्वास्थ्यतर्फ ५ करोड ३३ लाख ७६ हजार, कृषि, पशुपालन र सिंचाईतर्फ ७ करोड २७ लाख ५७ हजार रकम विनियोजन गरिएको छ । नगर क्षेत्रभित्रका जीर्ण सडकको मर्मतसम्भार तथा स्तरोन्नती, गत वर्ष पुरा हुन नसकेका अधुरा सडक निर्माण, नाली तथा ढल निर्माणलगायत पूर्वाधार विकासका लागि ३६ करोड ८६ लाख ६५ हजार विनियोजन गरिएको छ ।

सैनामैनाको बजेट ९० करोड ८५ लाख 

समृद्ध सैनामैना नगरपालिका वनाउने संकल्पसाथ सैनामैना नगरपालिकाका नगर प्रमुख चित्रवहादुर कार्कीले आर्थिक वर्ष २०७६÷०७७ को लागि कूल ९० करोड ८५ लाख ५१ हजार रुपैयाको बजेट प्रस्तुत गरेका छन् ।
 
बजेटमा सैनामैना क्षेत्र, पर्राेहा परमेश्वर वोलवमधाम, मलमला, महेरवादेवी, कोटियाथान लगायतका मठ मन्दिर, डिउहार, मस्जिद, गुम्बा, चर्चहरुको संरक्षण तथा सम्बद्र्धन गर्दै नगरपालिका क्षेत्रभित्र रहेका पर्यटकीय गन्तव्यको पहिचान र विकासका लागि ऐतिहासिक, धार्मिक, सांस्कृतिक सम्पदाहरुको संरक्षण गरी पर्यटन प्रवद्र्धन गर्न पूर्वाधार निर्माण तथा प्रचार प्रसारका लागि वजेट विनियोजन गरेको उल्लेख छ ।
 
देबदह नगरपालिका, देवदह

आजै सम्पन्न देवदह नगरपालिकाको पाचौ नगर सभामा आर्थिक बर्ष २०७६÷०७७ को लागि ७५ करोड ८७ लाख बरावरको बजेट प्रस्तुत भएको छ  । नगर उपप्रमुख विद्यालक्ष्मी गुरुङ्गले आगमी आर्थिक बर्षको बजेट प्रस्तुत गरेकी हुन् । 

देवदहको बजेटमा शर्सत तर्प १८ करोड २६ लाख, सामाजिक सुरक्षा तर्फ १२ करोड, स्थानीय पुर्वाधार साझेदारी कार्यक्रम तर्फ १ करोड ५० लाख, अनुदान राजश्व वाडफाड समपुरक अनुदान र आन्तरिक राजश्व तर्फ गरी ४४ करोड ११ लाख गरी कुल ७५ करोड ८७ लाख व्यवस्थापन गरिएको छ ।

नगर सभामा निती तथा कार्यक्रम प्रस्तुत गर्दै नगर प्रमुख हिराबहादुर खत्रीले नगरपालिकाले कृषि, पर्यटन , उद्योग र पशुपालनलाई प्राथमिकता दिएर निती तथा कार्यक्रम ल्याइएको बताए । 

लुम्बिनी सास्कृतिक नगरपालिका 

लुम्बिनी सास्कृतिक नगरपालिकामा नीति तथा कार्यक्रम मात्रै प्रस्तुत भएको र बजेट प्रस्तुत हुन नसकेको प्रमुख प्रशासकीय अधिकृत मोहन पौडेलले बताए ।