काठमाडौं- बौद्धस्थित समता अस्पतालकी कर्मचारी विमला तामाङका आफन्तमाथि प्रहरी हस्तक्षेप भएको छ।
विमलाको शव केही दिनअघि अस्पतालमा झुन्डिएको अवस्थामा फेला गरेको थियो। आफन्तले उनको हत्या भएको आरोप लगाउँदै आएका छन्।
उनीहरूले आइतबार हत्यारामाथि कारबाही माग गर्दै महानगरीय प्रहरी वृत्त गौशालामा घेराउ गरेका छन्। सो क्रममा प्रहरीले बल प्रयोग गरेको हो।
प्रदर्शनकारीले प्रहरी चौकी तोडफोड गर्न थालेपछि बल प्रयोग गर्नुपरेको प्रहरी परिसर काठमाडांैका प्रवक्ता हबिन्द्र बोगटीले जानकारी दिए।
अस्पतालमा सरसफाइको काम गर्ने रामेछाप दोरम्बाकी २७ वर्षीया तामाङको शव शौचालयमा झुन्डिएको अवस्थामा भेटिएको थियो।
विमलाका आफन्तले उनको हत्या अस्पतालका कर्मचारीले नै हत्या गरेको आरोप लगाएका छन्।
आफन्तको किटानी जाहेरीपछि बौद्ध प्रहरीले अस्पतालका तीन कर्मचारीलाई नियन्त्रणमा लिई अनुसन्धान सुरु गरेको छ।
प्रकाशित: Dec 31, 2017| 18:23 आइतबार, पुस १६, २०७४
