बर्दिया- काठमाडौंबाट बझाङका लागि छुटेको बस बर्दियामा दुर्घटना हुँदा ३० जना घाइते भएका छन् । घाइतेमध्ये ५ जनाको अवस्था गम्भीर छ ।
सुदूरपश्चिम यातायातको ना ६ ख १३३९ नम्बरको साइपाल डिलक्स बस बर्दियाको रम्भापुरमा आज बिहान ४ बजे दुर्घटनामा परेको हो । काठमाडौंबाट शनिबार बिहान ११ः३० बजे बझाङका लागि छुटेको बसमा ४० जना सवार रहेको प्रहरीले जनाएको छ ।
घाइतेहरुलाई नेपाल प्रहरी, नेपाली सेनाले उद्धार गरी अस्पताल पुर्याएको छ । बस चालक सिकारु भएकै कारण दुर्घटना भएको प्रहरीको प्रारम्भिक अनुमान छ ।
प्रकाशित: Dec 31, 2017| 18:23 आइतबार, पुस १६, २०७४
