रामेछाप- रामेछाप जिल्लाको मन्थली नगरपालिकामा एम्बुलेन्स दुर्घटना हुँदा चालकको मृत्यु भएको छ ।
बिरामी लिन खुर्कोटबाट मन्थलीतर्फ जाँदै गरेको बा २ च ७५२५ नं को एम्बुलेन्स दुर्घटना हुँदा चालक नीरबहादुर श्रेष्ठको मृत्यु भएको हो । सिन्धुली खुर्कोटका २२ वर्षीय श्रेष्ठको घटनास्थलमै मृत्यु भएको प्रहरीले जनाएको छ।
दुर्घटनामा परि अर्का एक जना गम्भीर घाइते भएका छन् । सिन्धुलीका करिब १८ वर्षीय सुरज श्रेष्ठको अवस्था गम्भिर भएपछि अहिले सिन्धुलीबाट थप उपचारका लागी धुलिखेल अस्पताल लगिएको छ ।
एम्बुलेन्स नेपाल रेडक्रस सोसाइटी भिमेश्वर उपशाखा सिन्धुली भएको प्रहरीले बताएको छ।
प्रकाशित: Dec 31, 2017| 18:23 आइतबार, पुस १६, २०७४
