उपत्यकाबाट विप्लवका पाँच नेता पक्राउ 

काठमाडौं– राजधानीका विभिन्न स्थानबाट प्रहरीले नेत्र विक्रम चन्द विप्लव समुहका पाँच नेतालाई पक्राउ गरेको छ। महानगरीय अपराध महाशाखाको टोलिले उनीहरुलाई पक्राउ गरेको हो। 
 
पक्राउ पर्नेमा रामेछापका पार्टी इञ्चार्ज कुलदिप तामाङ, दोलखा इञ्चार्ज यादव दाहाल, सेक्रेटरी विशाल जिरेल, विद्यार्थी संगठनको ताम्सालिङ ब्यूरो अध्यक्ष मुकुन्द श्रेष्ठ र उदयपुर जिल्लाको विद्यार्थी संगठनका अध्यक्ष विशाल तामाङ रहेका छन्।

महाशाखाका प्रमुख एसएसपी सहकुलबहादुर थापाका अनुसार गोप्य सूचनाका आधारमा नयाँ बसपार्क, चाबहिल र भक्तपुरबाट उनीहरुलाई पक्राउ गरिएको हो।

उनीहरुको साथबाट प्रहरीले पार्टीका पर्चा, पम्पेट बरामद गरेको छ। कुनै गोप्य दस्तावेज फेला नपरेपनि उनीहरुमाथि अनुसन्धान भैरहेको थापाले जानकारी दिए। स्थानीयको दिएको सूचनाको आधारमा महाशाखाले छापा मार्दा उनीहरु पक्राउ परेका हुन्।

प्रारम्भिक वयानमा उनीहरुले उपचारकोलागि काठमाडौं आएको बताएका छन्।