काठमाडौं - जिल्ला प्रहरी कार्यालय पर्साले अवैध भारतीय नोट कारोबारमा संलग्न चार जनालाई पक्राउ गरेको छ।
पक्राउ पर्नेमा भारत बिहारका सहदेव महतो, रामचन्द्र महतो सहदेव कुमार तथा पर्सा कालीकामाइँ गाउँपालीका–२ का जय नारायण साह रहेका छन्।
विरगंज घन्टाघरस्थित शर्मा मार्केटमा अवैध रुपमा भारतीय नोटको कारोबार भैरहेको सूचना पाएपछि जिल्ला प्रहरी कार्यालय पर्साले उक्त क्षेत्रमा छापा मारेको थियो। उनीहरुको साथबाट ३३ लाख नौं सय ९० भारतीय र ३१ हजार तीन सय २० नेपाली रुपैयाँ बरामद भएको छ। रकमको स्रोत भने नखुलेको पर्सा प्रहरीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४
