भैरहवा- गौतमबुद्ध विमानस्थल भैरहवाबाट हतियारसहित एकजना भारतीय नागरिक पक्राउ परेका छन्।
भारतको लखनऊका स्थायी बासिन्दा उमेश शुक्ला परिवारसहित भैरहवाबाट पोखरा जान लागेका थिए। उनीसँग विमानस्थलबाट प्रहरीले चेकोस्लोभियामा निर्मित एमएम ७.६२ नम्बरको पेस्तोल र १६ राउन्ड गोली बरामद गरेको छ।
लखनऊको एक बैंकका म्यानेजर रहेका ५० वर्षीय शुक्ला श्रीमती, ३ छोरी र एक नातिनीसँगै बुद्ध एअर मार्फत् पोखरा जाने क्रममा विमानस्थलमा एक्सरे (स्क्यानिंग मेसीनबाट) हतियार देखिएपछि हतियार र गोलीसहित उनलाई पक्राउ गरिएको रुपन्देही प्रहरी प्रवक्ता डिएसपी धर्म भण्डारीले बताए।
प्रकाशित: Dec 31, 2017| 18:23 आइतबार, पुस १६, २०७४
