काठमाडौँ- सरकारले संसदमा पेश गरेको गुठी विघेयक २०७५ को विरोधमा मंगलबार बिहानै पशुपतिनाथ क्षेत्रमा प्रदर्शन भएको छ । दिनहुँजसो प्रदर्शन गर्दै आएका काठमाडौं उपत्यकाका गुठियारहरुले मंगलबार पशुपति क्षेत्रमा प्रदर्शन गरेका हुन् ।
ग्वल पुच : समाज र चाब : हि नेवा : खल : ले संंयुक्त रूपमा पुशपति प्राङगणमा विरोध प्रदर्शनी गरेका छन् । विरोध प्रर्दशनमा पुशपति क्षेत्रमा वासिन्दा, धार्मिक, सामाजिक संध संस्थाहरू र गुठी समाजको उल्लेखनीय उपस्थिति थियो ।
विरोधमा विभिन्न पराम्परागत बाजा बजाइ सांकेतिक रूपमा पनि सरकारलाई दबाब दिइएको थियो । ‘गुठी विघयेक खारेज गर’, ‘हाम्रो गुठी, संस्कृति सम्पदा मास्न नपाइदैन’ जस्ता प्लेकार्ड बोकि प्रदर्शन गरिएको छ ।
श्री पशुपतिनाथ ग्वल पुच : समाजका संयोजक केदारमान भण्डारीले गुठी विघेयक फिर्ता नलिएसम्म आफूहरुको आन्दोलन नरोकिने बताए । उनले सरकारले विधेयक फिर्ता नलिए झनै ठूलो आन्दोलन मच्चिने बताए ।
गुठी विधेयक फिर्ता लिने, स्थगन गर्ने वा परिमार्जन गर्ने भन्ने विषयमा प्रधानमन्त्री केपी शर्मा ओली अहिले परमार्शमा छन् ।
सोमबार ओलीले आफ्नै पार्टी (नेकपा)का सांसद, मेयर, उपयमेयर र वडाअध्यक्षसँग गरेको छलफलमा उनीहरुले विधेयक फिर्ता लिन दबाब दिएका थिए ।
प्रधानमन्त्री ओली भने विधेयक फिर्ता लिने लिने मनस्थितीमा देखिएका छैनन् । उनी विधेयक तत्कालका लागि स्थगन गर्ने वा परिमार्जन गर्ने तयारीमा रहेको स्रोतले बताएको छ । यस विषयमा आधिकारीक निर्णय अब बस्ने मन्त्रिपरिषद्को बैठकले गर्नेछ ।
प्रकाशित: Dec 31, 2017| 18:23 आइतबार, पुस १६, २०७४
