काठमाडौं- चलचित्रको व्यंग्यात्मक समीक्षा गर्दा पक्राउ परेका प्रनेश गौतम रिहा भएका छन् । प्रहरीले आइतबार अपराह्न साधारण तारिखमा उनलाई रिहा गरेको हो ।
‘स्ट्यान्ड अप कमेडियन’ का रूपमा परिचित गौतमविरुद्ध प्रहरीले शुक्रबार जिल्ला अदालत काठमाडौंमा साइबर क्राइम ऐनअन्तर्गत मुद्दा दायर गरेको थियो । जिल्ला अदालत काठमाडौंले मुद्दामाथि थुनछेक बहस गर्दै आइतबार गौतमलाई साधारण तारिखमा रिहा गर्न आदेश दिएको हो ।
गौतमले चलचित्र ‘वीर विक्रम–२’ को व्यंग्यात्मक समीक्षा गरेर युट्युबमा राखेपछि प्रहरी पक्राउ गरेको थियो । उनलाई साइबर क्राइम ऐनअन्तर्गत जेठ २५ गते पक्राउ गरिएको थियो ।
प्रकाशित: Dec 31, 2017| 18:23 आइतबार, पुस १६, २०७४
