१९ डीआइजीको सरुवा, प्रदेश प्रमुख पनि फेरिए

काठमाडौं- गृह मन्त्रालयले १९ जना प्रहरी नायव महानिरीक्षक (डीआईजी) सरुवा गरेको छ । मन्त्रालयले सातवटै प्रदेशका प्रहरी प्रमुख पनि परिवर्तन गरेको छ ।
 
गृह मन्त्रालयद्वारा जारी सूचीअनुसार प्रदेश–१ मा ठाकुर ज्ञवाली, प्रदेश–२ मा प्रद्युम्न कार्की, प्रदेश–३ मा शेरबहादुर बस्नेत, गण्डकी प्रदेशमा विनोद घिमिरे, प्रदेश–५ मा सुरेशविक्रम शाह, कर्णाली प्रदेशमा पूर्णचन्द्र जोशी र सुदूरपश्चिम प्रदेशमा तारिणी लम्साललाई सरुवा गरिएको छ ।

प्रहरी प्रधान कार्यालयको योजना अन्वेषण निर्देशनालयमा केदार रिजाल, भरतपुर तालिम केन्द्रमा हरिभक्त प्रजापति, विशेष ब्युरोमा हरिबहादुर पाल, अख्तियारमा कमल जिटि र महिला बालबालिका सेवा निर्देशनालयमा पिताम्बर अधिकारीलाई लगिएको छ ।

यसैगरी दानसिंह बोहरालाई प्रहरी प्रशिक्षण प्रतिष्ठानमा, दीपककुमार थापालाई राजमार्ग सुरक्षा तथा ट्राफिक निर्देशनालयमा, विश्वराज पोखरेललाई प्रहरी महानिरीक्षकको निर्देशनालयमा, महेन्द्रकुमार पोखरेललाई प्रहरी प्रधान कार्यालयको वृत्ति विकास निर्देशनालयमा सरुवा गरिएकाे छ । 

त्यस्तै महेशविक्रम शाहलाई राष्ट्रिय सुरक्षा परिषदको सचिवालयमा, सुरज केसीलाई प्रहरी प्रधान कार्यालयको सुरक्षा सेवा व्यवस्थापन निर्देशनालयमा र सूर्यप्रसाय उपाध्यायलाई महानगरीय विमानस्थल सुरक्षा प्रहरी कार्यालय, गौचरमा सारिएको छ ।