बाँके– बाँकेको जानकी गाउँपालिका–१ बडैया गाउँमा शनिबार करेन्ट लागेर एक महिलाको मृत्यु भएको छ। आफ्नै घरमा कुचो लगाउँदै गर्दा २० वर्षीया अनिता गुप्ताको करेन्ट लागेर मृत्यु भएको जिल्ला प्रहरी कार्यालय बाँकेका प्रहरी नायब उपरीक्षक प्रकाश सापकोटाले जानकारी दिए।
उनका अनुसार मृतकका बुबाले अटो रिक्सा चार्ज गर्न जोडेका बेलामा आँगनमा कुचो लगाउँदै गरेकी अनितालाई एक्कासी करेन्ट लागेको थियो। रासस
प्रकाशित: Dec 31, 2017| 18:23 आइतबार, पुस १६, २०७४
