दाङ - दाङमा सम्राट सिमेन्ट उद्योगको ढलान भत्कँदा तीन मजदुरको मृत्यु भएको छ। लमही नगरपालिका ७ मा रहेको सिमेन्ट उद्योगको नयाँ प्लान्ट निर्माणको क्रममा शुक्रबार राति छैटौं तलाको ढलान भत्कँदा उनीहरुको मृत्यु भएको हो।
मृत्यु हुनेमा तीनै जना भारतीय नागरिक रहेका छन्। मृत्यु हुनेमा भारत झारखण्डका ४५ वर्षीय मंगल कस्यव, २२ वर्षीय दयाल हेरेन र ४६ वर्षीय साहेव रहेका छन्। यस्तै अन्य तीन जना घाइते भएका छन्। घाइतेको फलोरेन्स अस्पताल लमहीमा प्रारम्भिक उपचारपछि बुटवल लगिएको छ।
घटनाको अनुसन्धान भैरहेको प्रहरीले बताएको छ।
प्रकाशित: Dec 31, 2017| 18:23 आइतबार, पुस १६, २०७४
