अत्याधिक गर्मीले वीरगंजको विद्यालय बन्द

जनकपुरधाम- विगत केही दिनयता लगातार बढ्दै गइरहेको गर्मीले वीरगंजका सबै विद्यालय बन्द हुने भएका छन्। अत्याधिक गर्मीका कारण विद्यालय आउजाउ गर्न समस्या हुनुका साथै बालबालिकाहरू बेहोस हुन थालेपछि एक साताका लागि विद्यालयहरू बन्द गर्ने निर्णय भएको हो।

‘महानगरपालिका अन्तर्गत सञ्चालित विद्यालयका प्राधानाध्यापकहरूको छलफल तथा नगर शिक्षक महासंघसमेतको राय अनुसार प्रचण्ड गर्मीको प्रतिकूल मौसमलाई मध्यनगर गर्दै १ अषाढदेखि ६ अषाढसम्म वर्षे विदाबाट कट्टा हुनेगरी महानगरपालिकाभित्रका सम्पूर्ण विद्यालयहरूको पठनपाठन बन्द गरिएको उपमहानगरपालिकाले जारी गरेको सूचनामा भनिएको छ।

अत्याधिक गर्मीका कारण बालबालिकालाई विद्यालयसम्म पुग्नसमेत कठिनाइ हुन थालेपछि एक साताका लागि विद्यालय बन्द गर्ने निर्णय भएको महानगरपालिकाका शिक्षा शाखा प्रमुख अरविन्द लाल कर्णले जानकारी दिए। चर्को गर्मीले बालबालिकाको स्वास्थ्यमा प्रतिकूल असर पर्नुका साथै कतिपय विद्यालयमा बेहोस हुने समस्यासमेत देखिएपछि महानगरपालिका अन्तर्गतका सामुदायिक तथा निजी विद्यालयहरू अषाढ ६ सम्म बन्द गरिएको उनले बताए।