काठमाडौं - साइबर अपराधको अभियोगमा पक्राउ परेका फिल्म समिक्षक प्रनेश गौतम रिहा भएका छन्। गौतम हाजिरी जमानीमा रिहा भएका हुन्।
वीर विक्रम २’का निर्देशक मिलन चाम्सको उजुरीका आधारमा प्रहरीले प्रनेशलाई पक्राउ गरेको थियो। उनीमाथि साईबर अपराधको आरोप लागेको थियो। फिल्मको समीक्षाको नाममा फिल्मको व्यापार चौपट हुनेगरी बोलेको र केही अश्लिल शब्द प्रयोग भएको भन्दै निर्देशक चाम्सले उजुरी हालेका थिए।
गौतमले युट्युवमा अश्लिल शब्दसहितको भिडियो पोस्ट् गरेको, घरेलु हतियारको प्रयोगगरि मानिस धम्काएको, सामाजिक संजालको दुरुपयोग गरेको अभियोगमा गत शुक्रबार प्रहरीले पक्राउ गरेको थियो ।
गौतमको गिरफ्तारीपछि अभिव्यक्ति स्वतन्त्रतामाथि हस्तक्षेप भएको भन्दै बिरोध प्रर्दशन तथा समाजिक संजालमा समेत चर्को विरोध भएको थियो।
प्रकाशित: Dec 31, 2017| 18:23 आइतबार, पुस १६, २०७४
