'पप्पु'लाई कारबाही गर्न स‌ंसद्को निर्देशन 

काठमाडौं- तीनकुनेको निर्माणाधीन पुलमा बदमासी गरेको भन्दै संसदको विकास तथा प्रविनिधि समितिले पप्पु कन्स्ट्रक्सनमाथि कारबाही गर्न निर्देशन दिएको छ।

शुक्रबार बसेको समितिको बैठकले कारवाहीको निर्देशन दिएको सभापति कल्याणी खड्काले जानकारी दिएकी छिन्। पुलमा समस्या भएको भन्दै यसअघि सडक विभागले काम रोक्न निर्देशन दिएको थियो। सोहीअनुसार करिब तीन महिनादेखि काम रोकिएको थियो।

तीन महिनाअघिदेखि नै रोकिएको काम अगाडि नबढाउन समितिले निर्देशन दिएको पप्पु कन्स्ट्रक्सनले जनाएको छ। पुलको रिडिजाइनका लागि पुल्चोक इन्जिनियरिङ कलेजमा पठाइएको थियो। तीन दिनअघि प्रतिवेदन आएको र सोहीअनुसार स्वीकृतका लागि सडक विभागमा पठाइएको कन्स्ट्रक्सनले जनाएको छ।