प्रनेश गौतम अदालत पेस, रिहाइको तयारी

काठमाडौं- साइबर अपराधको अभियोगमा पक्राउ परेका फिल्म समिक्षक प्रनेश गौतमलाई प्रहरीले रिहा गर्ने तयारी गरेकाे छ ।

महानगरीय प्रहरी परिसर काठमाडौंका एसपी अशोक सिंहका अनुसार जमानत माग्नका लागि गौतमलाई जिल्ला अदालतमा पेस गरिएको छ । 

अदालतको आदेशबमोजिम उनलाई रिहा गरिने प्रहरीले जनाएको छ । गौतमले युट्युुवमा अश्लिल शब्दसहितको भिडियो पोस्ट् गरेको, घरेलु हतियारको प्रयोगगरि मानिस धम्काएको, सामाजिक संजालको दुरुपयोग गरेको अभियोगमा गत शुक्रबार प्रहरीले पक्राउ गरेको थियो । 

वीर विक्रम २’का निर्देशक मिलन चाम्सको उजुरीका आधारमा प्रहरीले प्रनेशलाई पक्राउ गरेको थियो। उनीमाथि साईबर अपराधको आरोप लागेको थियो । सरकारी वकिल कार्यालयको निर्देशन अनुसार प्रहरीले मुद्दा प्रक्रिया बढाउँनेछ । 

गौतमको गिरफ्तारीपछि  अभिव्यक्ति स्वतन्त्रतामाथि हस्तक्षेप भएको भन्दै बिरोध प्रर्दशन तथा समाजिक संजालमा समेत चर्को विरोध भएको थियो ।