काठमाडौं– विप्लव समूह बाँकेका जिल्ला अध्यक्ष मदन चन्द कारागार चलान भएका छन्। जिल्ला अदालत बाँकेले ५० हजार धरौटीमा रिहा गर्न आदेश दिएपनि उक्त रकम बुझाउन नसकेपछि उनी जेल चलान भएका हुन्।
चन्द जेठ १ गते काठमाडौंको शान्तिवाटीकाबाट पक्राउ परेका थिए। ५४ औं विद्यार्थी दिवसको अवसरमा विभिन्न पार्टीका विद्यार्थीसंघले आयोजना गरेको कार्यक्रम स्थलबाट चन्द लाई प्रहरीले नियन्त्रणमा लिएको थियो।
चन्द यसअघि पनि २६ दिन प्रहरी हिरासतपछि गत जेठ २६ गते १० हजार धरौटीमा रिहा भएका थिए। अदालतबाट रिहा हुने बित्तिकै प्रहरीले उनलाई पुनः गिरफ्तार गरी २७ गते बाँके लगेको थियो।
प्रहरीले विप्लव समूहका करिब ६ सय नेता तथा कार्यकर्तालाई नियन्त्रणमा लिई संगठित अपराधमा मुद्दा चलाएको छ।
प्रकाशित: Dec 31, 2017| 18:23 आइतबार, पुस १६, २०७४
