आइस बाथ गर्ने बकेट नहुँदा ‘डस्टबिन’मा खेलाडी ! (तस्बिर)

विराटनगर- साफ महिला च्याम्पियनसिप फुटबलको फाइनल पुगेको नेपाली टोलीले रिकभरिका लागि ‘डस्टबिन’मा आइस बाथको मज्जा लिएका छन् । अखिल नेपाल फुटबल संघ (एन्फा)ले खेलाडीको लागि आईस बाथ गर्ने बकेट उपलब्ध नगराएपछि नेपाली महिला टोलीले आएस बाथ ‘डस्टबिन’मा लिएका हुन् । 

अझ, प्रयाप्त डस्टबिन नहुँदा एकै डस्टबिनमा २ देखि ३ जना खेलाडीले एकै पटक आईस बाथ लिएका छन् । श्रीलंकासँगको सेमिफाइनल खेल पछि नेपाली टोलीले रिकभरीका लागि आइस बाथ लिएको थियो । 

जसको तस्बिर महिला फुटबल टोलीका एथ्लेटिक ट्रेनर अधिकारी विवेक विक्रान्तले आफ्नो फेसबुकमा सार्वजनिक गरेका थिए । उनले आफ्नो सामाजिक संजालमा तस्बिर सार्वजनिक गर्दै लेखेका छन्, ‘प्राउड अफ यु लेडिज...पोस्ट म्याच रिकभरी... आइस बाथ...गेटिङ् रेडी फर फाइनल ।’ 

जारी प्रतियोगिताको दाबेराको रुपमा हेरीएको नेपालले सेमिफाइनलमा श्रीलंकालाई ४-० गोल अन्तरले पराजित गर्दै फाइनल प्रवेश गरेको थियो । अब उपाधिका लागि नेपालले साविकको विजेता टोली भारतसँग शुक्रबार शहिद रंगशालामा खेल्दै छ । 

तस्बिर : अधिकारी  विवेक विक्रान्तको फेसबुकबाट (ट्रेनर)