नेपालले आज कुवेतको सामना गर्दै

काठमाडौं- नेपाली राष्ट्रिय फुटबल टोलीले आज (बिहिबार) कुवेतसँग अन्तराष्ट्रिय मैत्रीपुर्ण खेल खेल्दै छ । खेल नेपाली समय अनुसार राति ९ बजेर १५ मिनेटमा  सुरु हुनेछ । फगुन देखी राष्ट्रिय टोली सम्हालेको मुख्य प्रशिक्षक योहान कालिनको यो पहिलो खेल हो । 

कालिनका लागि यो परिक्षण हो भने अर्को तिर टोली छनोट र सेटका लागि राष्ट्रिय कालिनको खेलाडी टेस्ट पनि हुने छ । त्यसैले पनि कुवेतसँगको मैत्रिपुर्ण खेल खेलाडी र प्रशिक्षक दुबैका लागि महत्वपुर्ण रहेको छ ।

नेपाल कुवेतविरुद्ध मैदान उत्रिदा जित्ने लक्ष्यका साथ मैदान उत्रिने छ । निकै लामो समयपछि नेपाल र कुवेत एक अर्कासँग आमने सामने हुन लागेका हुन् । नेपाल र कुवेत करिब १९ बर्षपछि एक अर्कासँग प्रतिस्पर्धा गर्दै छन् । 

यसअघि नेपालले कुवेतसँग सन् २००० मा एएफसी एसिया कपमा प्रतिस्पर्धा गरेको थियो । उक्त खेलमा नेपाल कुवेतसाग ५-० ले पराजित भएको थियो । त्यसैले पनि यो खेलमा नेपालका लागि उक्त हारको बदला लिने अवसर हुनेछ ।

नेपाली टोलीका मुख्य प्रशिक्षक कालिनले कुवेतविरुद्ध जित निकाल्ने दाबी गरेका छन् । ‘हाम्रो लागि यो प्रतियोगिता निकै महत्वपुर्ण छ । नेपाली फुटबलले लामो यात्रा तय गर्न बाँकी छ,’ मुख्य प्रशिक्षक कालिनले भने, ‘त्यसका लागि कुवेतविरुद्धको खेल सुरुवात हो । जित्नका लागि हामी मैदानमा उत्रन्छौं ।’

मलेसियासँगको मैत्रीपूर्ण खेल स्थगित भएसँगै नेपालले कुवेतसँग दुई मैत्रीपूर्ण खेल खेल्ने भएको छ ।  नेपालले दोस्रो मैत्रिपुर्ण खेल आगामी मंगलबार खेल्नेछ ।

नेपाली टोली

गोलकिपर : किरण चेम्जोङ, विकेट कुथु र विशाल श्रेष्ठ
 
डिफेन्डर : अजित भण्डारी, रवि सिलवाल, सुरज विश्वकर्मा, रञ्जित धिमाल , विराज महर्जन , सरोज दाहाल , देबेन्द्र तामाङ 

मिडफिल्डर : रोहित चन्द, रवि पासवान, टंक बस्नेत , सन्तोष तामाङ , बिक्रम लामा, बिशाल राई , हेमन गुरुङ , सुजल श्रेष्ठ 

फरवार्ड : रन्जन विष्ट , सुमन लामा , भरत खवास , विमल राना , नवयुग श्रेष्ठ , आशिष लामा