रेखाको पहिलो अन्तर्राष्ट्रिय गोलसँगै नेपाल चौथो पटक साफको फाइनलमा

विराटनगर- नेपाली राष्ट्रिय महिला टोली साफ मिहला च्याम्पियनसिपमा चौथो पटक फाइनल पुगेको छ । विराटनगरमा जारी पाँचौ संस्करणको साफमा भएको सेमिफाइनल खेलमा श्रीलंकालाई पराजित गर्दै नेपाल चौथो पटक साफको फाइनल प्रवेश गरेको हो । सन् २०१६ मा भारतमा आयोजना भएको चौथो संस्करणको साफ महिला च्याम्पियनसिपको समिफइनल खेलमा नेपाल भारतसँग पराजित भएको थियो ।

बुधबार भएको सेमिफइनल खेलमा नेपालले श्रील‌ंकालाई ४-० गोल अन्तरले पराजित गरेको हो । सुरुवाती समय देखीनै आक्रम खेल प्रस्तुत गरेको नेपालले सुरुवाती अग्रता लिन निकै लामो समय पर्खिनु परेको थियो । पहिलो हाफ सकिन तीन मिनेट बाँकी रहदाँ पुनम जर्घा मगरले गोल गर्दै नेपाललाई सुरुवाती अग्रता दिलाइन । गिता रानाको फ्री-किक प्रहारमा कप्तान निरुको बाईसाइकल किकमा सावित्राको हेडर पासमा पुनमले उत्कृष्ट वन टच  गोल गरेकी हुन ।

त्यस्तै ७३ औं मिनेटमा अनिता बस्नेतले गोल गर्दै नेपालको अग्रता दोब्बर पारीन् । थ्रो बलमा रक्षक मनमायाले प्रहार गरेको बल पेनाल्टी क्षेत्रभित्र रुमलिदै गर्दा फर्केको बललाई अनिताले सहजै गोलमा परिणत गरेकी हुन् । त्यस्तै ८२ औं  मिनेटमा स्ट्राइकर सावित्रा भण्डारीले गोल गर्दै नेपाललाई ३-० को अग्रता दिलाइन् । 

८५ औं मिनेटमा रेखा पौडेलले गोल गर्दै नेपाललाई ४-० कव महत्वपूर्ण जित दिलाइन् । भुटानविरुद्धको खेलमा राष्ट्रिय टोलीमा डेब्यु गरेकी रेखाको पहिलो अन्तराष्ट्रिय गोल हो । उनले अनिताको पासमा आफ्नो पहिलो अन्तराष्ट्रिय गोल गरेकी हुन् ।

त्यस अघि खेलको चौथो मिनेटमा कप्तान निरु थापाको पासामा डि-बक्स नजिकैबाट अनिता बस्नेतले गरेको प्रहार करसर बारको केहि माथिबाट बहिरिदा नेपाला अग्रता लिनबाट चुकेको थियो । १० औं मिनेटमा अनिताको कर्नर प्रहारमा कप्तान निरुको हेडर मथिल्लो बारबाट बहिरियो । 

१६ औं मिनेटमा अनिताको पासमा सावित्रा भण्डारीले वान भर्सेज वानको स्थितिमा गरेको प्रहार श्रीलंकाकी गोलरक्षक आयोमी एस विजेरत्नले उत्कृष्ट बचाउ गरिन । २२ औं मिनेटमा दिपा राईको एयर पासमा सवित्राको हेडर खेर गयो । 

३१ औं मिनेटमा मन्जाली कुमारी योन्जनको पासमा सावित्रा र निरु समयमै पुग्न नसक्दा अग्रता लिनबाट चुके । ३४ औं मिनेटमा अनिताको करनर प्रहारमा गिता रानाको हेडरलाई गोलरक्षक आयोमीले उत्कृष्ट बचाउ गरिन । 

३६ औं मिनेटमा २० यार्डबाट मन्जलिले गरेको पहारले दिशा लिन सकेन । ३७ औं मिनेटमा श्रीलंकाकी कप्तान इरन्दी लियानागेले नेपालकी गोलरक्षक अन्जली तुम्बापो सुब्ब अघि बढेको अवस्थामा गोल गर्न सकेन्न । ८२ औं मिनेटमा अनिताले वन भर्सेज वनको स्थितीमा रहेको बललाई गोलमा पर्णित गर्न सकिनन् । ८४ औं मिनेटमा सावित्राले गोलरक्षक अघिबढेको अवस्थामा बललाई दिशा दिन सकिनन् ।

अब फाइनल खेल नेपालले भारत र बंगलादेशबिचको विजेता टोलीसँग उपाधिका लागि खेल्ने छ ।