बिहानैदेखि ट्राफिकको चेकिङ, १५ सय ४ चालक कारबाहीमा

काठमाडौं- काठमाडौं उपत्यकामा पछिल्लो २४ घण्टामा ट्राफिक प्रहरीले १ हजार ५ सय ४ जना सवारी चालकलाई कारबाही गरेको छ । विभिन्न शीर्षकमा गरिएको कारबाहीबाट ११ लाख, ५ सय रुपैयाँ राजश्व संकलन भएको प्रहरीले जनाएको  छ। 

लेन मिचेर चलाउने २ सय १८, जथाभावि पार्किङ गर्ने १ सय १७, निषेधित स्थानमा हर्न बजाउने ४९,  ढोका खुला राखेर चलाउने ४३, अवस्था ठिक नभएको सवारी चलाउने ४०, मादक पदार्थ सेवन गरी चलाउने ३४, जेब्राक्रसमा रोक्ने ३५ जना चालकलाई कारवाही गरिएको महानगरिय ट्राफिक प्रहरी महाशाखाले जनाएको छ।
 
आज होलीका दिन अझै धेरै चालक कारबाहीमा पर्नसक्ने ट्राफिक प्रहरीको अनुमान छ । उसका अनुसार आज बिहानैदेखि चेकिङका लागि ट्राफिक प्रहरी खटिएको छ । विभिन्न ७० भन्दा बढि स्थानमा चेकिङ पोइन्ट राखिएको छ। होलीका लागि चेकिङ अझै कडा पारिएको महानगरिय ट्राफिक प्रहरी महाशाखाले जनाएको छ।