न्युजिल्याण्ड घटनाको कांग्रेसद्वारा भर्त्सना

काठमाडाैं – न्युजिल्याण्डमा ४९ जनाको ज्यान जाने गरी भएको आतंककारी हमलाको नेपाली कांग्रेसले भर्त्सना गरेको छ। अइतवार एक प्रेस विज्ञप्ति जारी गर्दै कांग्रेसले हमलाको भर्त्सना गरेको हो।

कांग्रेसले मानवता विरुद्धका यस्ता क्रियाकलापको सदैव आफूले विरोध गर्ने बताएको छ। पार्टी सभापति शेरवहादुर देउवाद्वारा जारी विज्ञप्तिमा घटनामा परि ज्यान गुमाएका सबैमा श्रद्धाञ्जली व्यक्त गरिएको छ।

विज्ञप्तिमा भनिएको छ, 'न्युजिल्याण्डको क्राइस्टचर्चस्थित दुई मस्जिदमा शुक्रबार भएको नृशंश हत्याको घटनाले सम्पूर्ण विश्वलाई नै स्तब्ध बनाएको छ। विश्वको जुनसुकै कुनामा हुने मानवता विरुद्धका यस्ता क्रियाकलापको नेपाली कांग्रेस सदैव घोर निन्दा र भर्त्सना गर्दछु। यस दुःखद क्षणमा म र मेरो पार्टीको तर्फबाट न्युजिल्याण्ड सरकार र त्यहाँका जनताप्रति सहानुभूति प्रकट गर्दछु। साथै, धैर्यताका साथ अगाडि बढ्न आग्रह गर्दछु।'