मन्त्री पण्डित भन्छन्- 'विप्लवविरुद्ध सरकार अझै आक्रामक बन्छ'

काठमाडौं- संघीय मामिला तथा सामान्य प्रशासन मन्त्री लालबाबु पण्डितले नेत्रविक्रम चन्द विप्लव शान्तिपूर्ण बाटोमा नआए सरकार अझै आक्रामक बन्ने चेतावनी दिएका छन् ।
 
जनकपुरमा आयोजित पत्रकार सम्मेलनमा बोल्दै उनले संविधान विपरित अराजनीतिक चरित्र देखाउने कसैलाई पनि सरकारले नछोड्ने चेतावनी दिएका हुन् । अझै पनि वार्ताको ढोका खुल्ला रहेको भन्दै उनले शान्तिपूर्ण बाटोमा आउन चाहनेका लागि सरकार सधै पनि खुला रहेको उनको भनाइ छ। 

विप्लव समुह आफैले स्वघोषित रुपमा वार्ताको ढोका बन्द गरेको र पटक पटक वार्तामा बोलाउँदा पनि नआएको मन्त्री पण्डितले बताए । उनले विप्लवलाई आफूहरुले युद्धमा नधकेको बरु उनको समुह आफैँ  ध्वंसात्मक गतिबिधिमा लागेको टिप्पणी गरे ।
 
यस्तै मन्त्री पण्डितले सिके राउतसँग जनमत संग्रहमा जाने विषयमा कुनै सहमति नभएको दाबी गरेका छन् । उनले जनमत संग्रह गर्ने र राउतलाई कुनै राजनीतिक पद दिने सहमती नभएको जिकीर गरे ।  

राउतले ११ बुँदे सहमति पालना नगरे सरकार चुप लागेर नबस्ने समेत चेतावनी दिएका छन् । यद्यपी उनले सहमति पालना गर्ने पण्डितले विश्वास व्यक्त गरे ।