माइती नेपालमा महिला दिवस

काठमाडौं - 'लैंगिक समानताका लागि समान सोच र विचार : सम्वृद्धिको आधार’राष्ट्रिय नारा सहित माइती नेपालले १०९ औं अन्तराष्ट्रिय महिला दिवस मनाएको छ। 

दिवसको अवसर पारेर संस्थाले माइती नेपालले चार जना सामाजिक अभियन्ता महिलाहरुलाई सम्मानित गरेको हो । सम्मानित हुनेमा मानव बेचबिखन र महिला हिंसाबाट प्रभावित भइ सोही क्षेत्रमा योगदान दिने सिता लोहनी, रत्ना सुनार, चनुमति बानिया र मिना गिरी रहेका छन् । उनीहरुलाई सम्मान सहित कदरपत्र प्रदान गरिएको थियो । 



माइती नेपालका अध्यक्ष विश्वराम खड्काको सभापतित्वमा आयोजित समारोहको प्रमुख अतिथी नेपाली चलचित्र जगतको पहिलो नायिका भुवन थापा चन्द थिइन् ।कार्यक्रममा माइती नेपाल परिवार, महिला अधिकारकर्मी तथा सामाजिक कार्यकर्ताहरुको सहभागिता थियो । 

सम्मानित हुने महिलाले अनुराधा दिदिको प्रेरणा र उच्च सोचको कारण आफूहरु काममा सफल हुन सक्षम भएको बताए । प्रमुख अतिथी भुवन चन्दले माइती नेपालले महिला र बालबालिकाको क्षेत्रमा गरेको योगदान प्रंशसनीय रहेको बताए । 

माइती नेपालका अध्यक्ष विश्वराम खड्काले नारी दिवसले महिला अधिकार तथा शसक्तीकरणका लागि क्रियाशिल हुन थप उर्जा प्रदान गरोस् भनी सुभकामना व्यक्त गरे। उनले महिलाको अधिकार, सामाजिक सुरक्षा र सम्मानका लागि साझा प्रयास आवश्यक रहेको बताए । नारी दिवसको अवसर पारेर माइती नेपालमा हरेक वर्ष नविन र रचनात्मक कार्यक्रम आयोजना हुनेगर्छ।