विखण्डनकारी मानसिकता र प्रवृत्ति जन्माउने आधार अन्त हुनुपर्छ : कमल थापा

काठमाडौं - राष्ट्रिय प्रजातन्त्र पार्टीका अध्यक्ष कमल थापाले विखण्डनकारी मानसिकता र प्रवृत्ति जन्माउने आधार अन्त नभएसम्म एक समूहको निर्णयको अर्थ नरहने बताएका छन्। शुक्रबार सरकार र स्वतचन्त्र मधेशको माग राख्दै आएका सिके राउतबीच भएको ११ बुँदे सहमतिपछि सामाजिक सञ्जालमार्फत आफ्नो धारणा सार्वजनिक गर्दै थापाले त्यस्तो मानसिकता जन्माउने आधार अन्त हुनुपर्ने बताएका हुन्। 

राष्ट्र विखण्डनको एजेण्डा त्याग गर्ने राउतको निर्णय स्वागतयोग्य रहेको थापाले उल्लेख गरेका छन्। उनले ट्वीटमा भनेका छन्, 'सिके रावतद्वारा राष्ट्र विखण्डनको एजेण्डा परित्याग घोषणा सकारात्मक छ।राष्ट्रिय अखण्डताको पक्षमा सशक्त आवाज उठाउंदै आएको राप्रपा यस घटनालाई सतर्कतासाथ स्वागत गर्दछ।तर,बिखण्डनकारी मानसिकता र प्रवृत्ति जन्माउने आधार अन्त नभएसम्म एक समुहको निर्णयको अर्थ रहँदैन भन्ने हाम्रो मान्यता छ'