सिके राउतले बाटो बिराएनन् : ओली

काठमाडौं – प्रधामन्त्री केपी शर्मा ओलीले सिके राउतले बाटो नबिराई राष्ट्रिय एकता र अखण्डताका पक्षमा उभिएर असाधारण निर्णय क्षमता देखाएको बताएका छन् । सिके राउत र सरकारबीच शुक्रबार भएको सहमति घोषणा सभामा सम्बोधन गर्दै ओलीले भने, ‘सिके राउतमा असाधारण निर्णय क्षमता देखेँ। राष्ट्रिय एकता, जाति, धर्म र समुदाय नलडाउने, समृद्धिमा अगाडि बढ्ने उहाँको निर्णय असाधारण छ ।’

प्रधानमन्त्री ओलीले एउटा इन्जिनियर र वैज्ञानिक राउतले बाटो बिराउलान् भन्ने आफूलाई ठूलो चिन्ता रहेको तर आजकै दिनदेखि अन्त्य भएको बताए। उनले भने, ‘एउटा इन्जिनियर र वैज्ञानिक राउतले बाटो बिराउँदा बिराउँदै बिग्रने हो कि भन्ने थियो । आज खुसी लाग्यो ।’