पूर्वआयुक्त पाठकलाई विदेश जान प्रतिवन्ध

काठमाडौँ- ७८ घुस लिएको सार्वजनिक भएपछि राजीनामा गरेका अख्तियारका पूर्वआयुक्त राजनारायण पाठकलाई विदेश जान प्रतिप्रतिबन्ध लगाइएको  छ । 

घुस प्रकरणमा फसेका पाठक सम्भावित कारबाहीबाट बच्न विदेश जानसक्ने भन्दै विदेश जान प्रतिबन्ध लगाइएको हो । छानविन प्रक्रिया अगाडी बढिरहेका बेला आरोपितलाई विदेश जान रोकिएको अख्तियारले जनाएको छ । 

छानविनका लागि विभिन्न ब्यक्तिहरुसँग अख्तियारले पालै पाले बयान लिइरहेको छ । उसले पाठकसँग पनि बयान लिने तयारी गरेको छ । उनले घुस लिएको गोप्य भिडियोमा काम नभए रजीनामा दिन्छु इन्डिया पस्छु समेत भन्न भ्याएका थिए । त्यसकै आशंकामा उनलाई विदेश जान रोक लगाइएको हो ।
 
चाँगुनारायणस्थित नेपाल इन्जिनियरिङ कलेजको स्वामित्व विवादलाई मिलाइदिने भन्दै घुस लिएको भिडियो सार्वजनिक भएपछि उनले पदबाट राजीनामा दिएका थिए । पाठकले विवाद मिलाउने भन्दै पटकपटक गरी ७८ लाख घुस लिएको भिडियो सार्वजनिक भएपछि अख्तियारले उनीविरुद्ध छानबिन सुरु गरेको थियो ।