धादिङको थाक्रेमा बस दुर्घटना, ५ घाइते

धार्के – पृथ्वी राजमार्ग अन्तर्गत धादिङको थाक्रे–८ चिनिमेलमा बस दुर्घटना भएको छ। काठमाण्डौंबाट धादिङबेशी तर्फ जाँदै गरेको बा ३ ख ३१५३ नम्बरको बस अनियन्त्रित भई सडक छेउमा पल्टिँदा ५ जना घाइते भएका छन्। 

धादिङका प्रहरी नायव उपरीक्षक प्रकाश विष्टले दिएको जानकारी अनुसार घाइते हुनेमा थाक्रे–४ धैरनीका ४७ वर्षिय भैरव थापा, धुनिबेशी ७ का ३५ वर्षिय हरि सँकर परियार, सलाङ ४ कि ठुली कान्छी परियार, २१ वर्षिया लक्ष्मी परियार र मकवानपुरको कैलास गाउँपालिका गोगनेका २९ वर्षिय राजकुमार दर्लामी रहेका छन्।

उनले घाइते मध्ये चार जनाको अवस्था सामान्य रहेको र एक जना भैरव थापाको ढाडमा चोट लागेको जानकारी दिए। चालक ३५ वर्षीय हिरा श्रेष्ठ पनि सामान्य घाइते छन्।