पेट्रोलियम पदार्थको मूल्य बढ्यो

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाठौं– पेट्रोलियम पदार्थको मूल्य बढेको छ। अन्तर्राष्ट्रिय बजारमा मूल्य बढेको भन्दै नेपाली बजारमा पनि नेपाल आयल निगमले पेट्रोलियम पदार्थको मूल्य बढाएको हो।

निगमका अनुसार राजधानीमा प्रतिलिटर पेट्रोल, डिजेल र मट्टीतेलको मूल्य दुई रुपैयाँको दरले बढेको छ। निगमका प्रवक्ता वीरेन्द्र गोइतले नयाँ मूल्य अनुसार प्रतिलिटर पेट्रोलको मूल्य ११०, डिजेल र मट्टीतेलको मूल्य ९७/९७ रुपैयाँ कायम गरिएको बताए। उक्त मूल्य शनिबार राति १२ बजेदेखि लागु हुने छ। यसअघि पेट्रोल प्रतिलिटर १०८, डिजेल ९५ र मट्टीतेल ९५ रुपैयाँ रहेको थियो।

खाना पकाउने एलपी ग्याँस, हवाई अन्तरिक र बाह्रय दुवै इन्धन यथावत रहेको उनले जानकारी दिए। मूल्य समायोजनपश्चात निगमलाई पाक्षिक (१५ दिन) एक अर्ब १६ करोड रुपैयाँ नाफा हुने जनाइएकाे छ ।

प्रकाशित: Dec 31, 2017| 18:23 आइतबार, पुस १६, २०७४