पाकिस्तानमा आतंकवादी हमला हुँदा तीन प्रहरीको मृत्यु

नेपाल समय | बुधबार, पुस २५, २०८०

नेपाल समय

बुधबार, पुस २५, २०८०

पाकिस्तानमा आतंकवादी हमला हुँदा तीन प्रहरीको मृत्यु

इस्लामावाद- पाकिस्तानको उत्तरपश्चिमी खैबर पाख्तुनख्वा प्रान्तको कोहाट जिल्लामा बुधबार बिहान प्रहरीलाई लक्षित गरी गरिएको आक्रमण तीन प्रहरीसहित कम्तीमा चार जनाको मृत्यु भएको स्थानीय प्रहरीले जनाएको छ।

कोहाटको सिन्धु राजमार्गस्थित सुरक्षा जाँच केन्द्रमा अज्ञात समूहले स्वचालित बन्दुकसहित आक्रमण गरेको प्रहरीले जनाएको छ।

प्रहरी, सुरक्षा बल र उद्धार टोली घटनास्थलमा पुगी घाइते सुरक्षाकर्मीलाई नजिकैको अस्पतालमा लगेका थिए। पाकिस्तानी सेना तथा सुरक्षाकर्मीले सम्बन्धित क्षेत्रमा उच्च सुरक्षाका साथ आक्रमणकारीहरूको खोजी सुरु गरेको छ।

आक्रमणपछि आक्रमणमा संलग्न व्यक्तिहरू नजिकैको पहाडी क्षेत्रमा भाग्न सफल भएको प्रहरीले जनाएको छ। हालसम्म आक्रमणको जिम्मेवारी कुनै समूहले लिएको छैन।

प्रकाशित: Jan 10, 2024| 19:00 बुधबार, पुस २५, २०८०