तालिवानभन्दा ५ गुणा बढी संख्या भए पनि किन निरीह छ अफगानी सेना?

पछिल्लो समय अफगानिस्तानमा आतंककारी समूह तालिवानको ज्यादती तथा हमला बढ्दै गएको छ। अफगानिस्तानका थुप्रै प्रान्तमा तालिवानले कब्जा जमाइरहेको छ।

बुधबार मात्रै अफगानिस्तानको रणनीतिक महत्त्वको रूपमा लिइने समागन प्रान्तको राजधानी पनि तालिवानले कब्जामा लिएको छ।

अफगानिस्तानको थुप्रै स्थानमा नियन्त्रण जमाएको तालिवानले देशभर कब्जा गर्ने योजना बनाएको छ। तालिवानले एकपछि अर्को प्रान्त कब्जा गर्दै गएपछि असरफ गनी सरकारलाई राजीनामाको दबाब बढ्दै गएको छ।

अमेरिकाले ३१ अगस्टसम्म अफगानिस्तानमा रहेका आफ्ना सबै सैनिकलाई फिर्ता बोलाइसक्ने निर्णय गरेपछि तालिवानलाई झनै सहज भएको छ।

अमेरिकी सैनिकको ९० प्रतिशत हिस्सा अमेरिका फिर्ता भइसकेको छ। अमेरिकी सेना फिर्ता भएपछि तालिवान आफ्नो प्रभुत्व जमाउन सफल भएको छ।

अफगानिस्तानको बिग्रिँदै गएको अवस्था र तालिवानको  आतंकलाई लिएर अमेरिकाले सेना फिर्ता बोलाएको भन्दै बाइडेन प्रशासनको आलोचना पनि भइरहेको छ।