अष्ट्रेलियाविरुद्धको टेस्ट खेलमा भारतको लगातार दोस्रो जित

काठमाडौं- भातरमा जारी चार खेलको टेस्ट शृंखलामा भारतले लगातरा दोस्रो जित निकालेको छ। भातरको दिल्ली रंगशालामा भर्खरै सम्पन्न भएको टेस्टको तेस्रो दिनमा नै आयोजक टिमले पाहुना टिमलाई छ विकेटले हराएको हो। यो जितसँगै भारतले शृंखलामा २–० को अग्रता बनाएको हो।

गत फेब्रुअरी १७ मा टस जितेर पहिले ब्याटिङ गरेको अष्ट्रेलियाले पहिलो पारीमा २६३ रन बनाएको थियो भने दोस्रो पारीमा ११३ रन बनाएको थियो। त्यस्तै, भारतले पनि पहिलो पारीमा २६२ रन बनाएको थियो। भारतको आफ्नो दोस्रो इनिङ भने तेस्रो दिनको विहान मात्र सुरु भएको हो।

अष्ट्रेलियाको पहिलो पारीमा उसमान खवाजाले सर्वाधिक ८१ र पिटर हेन्स्कोम्बले ७२ रन बनाएका थिए। भारतका लागि मोहम्मद शामीले चार विकेट गिराएका थिए।

यता, भारतको पहिलो पारीमा अक्षर पटेलले सर्वाधिक ७४ रन बनाएका थिए। दोस्रो दिनमा सकिएको सो पारीमा नाथनल लियोनले पाँच विकेट गिराएका थिए। त्यहि दिन ट्रेभिस हेडले ४३ र मार्नुस लुबस्चेनले ३५ रन बनाए पनि अष्ट्रेलिया १३३ मै अलआउट भएको थियो।

त्यसपछि भारतले ११५ रनको लक्ष्य पाएको थियो। जवाफमा रोहितले ३० र चेतेस्वर पुजाराले अविजित ३१ साथै श्रिकर भरतले २३ रन बनाएपछि भारतले चार विकेट गुमाएर जित निकालेको हो।

पहिलो पारीमा ४४ रन बनाएका कोहलीले आज पनि २० रनको योगदान दिएका थिए। यता, अष्ट्रेलियाका नाथनन लियोनले दुई विकेट लिए।