नेपालसँग ३ विकेटले हार्‍यो नामिबिया

काठमाडौं– नेपालले कीर्तिपुरस्थित त्रिवि मैदानमा जारी आईसीसी लिग २ को एकदिवसीय त्रिकोणात्मक सिरिजमा नामिबियालाई ३ विकेटले पराजित गर्दै लगातार तेस्रो जित निकाल्न सफल भएको छ। 

शनिबार नामिबियाले दिएको २७५ रनको लक्ष्य नेपालले १५ बलअगावै ७ विकेटको क्षतिमा पूरा गरेको थियो। यो जितसँगै नेपालले लिग २ को सिरिजमै निकालेको यो पहिलो तेस्रो जित हो। नेपालको जितमा ओपनर आशिफ शेख र ज्ञानेन्द्र मल्लले कीर्तिमानी साझेदारी गरेका थिए।

आसिफ र ज्ञानेन्द्रले दोस्रो विकेटका लागि १३९ रनको साझेदारी गर्दै नेपालका लागि सर्वाधिक साझेदारी गर्ने कीर्तिमानी आफ्नो नाममा गरेका हुन्। आशिफले ६९ र ज्ञानेन्द्र मल्लले ६५ रनको योगदान दिए। ८ चौका र २ छक्का हानेका आशिफले एकदिवसीय खेलमा छैटौं अर्धशतक प्रहार गरेका हुन्। ज्ञानेन्द्र मल्ल ६५ रनमा क्याच आउट भए।

७४ बलको सामना गरेका ज्ञानेन्द्रले ५ चौका र ३ छक्का हाने। एक दिवसीयमा नेपालको तर्फबाट सात अर्धशतक प्रहार गर्ने ज्ञानेन्द्र पहिलो खेलाडी हुन्।चौथो विकेटका लागि कुशल मल्ल र कप्तान रोहित पौडेलले ९२ रनको साझेदारी गर्दै नेपालाई सहज जित दिलाएका थिए। 

कुशल ६२ रनमा क्याच आउट हुँदै पवेलियन फर्के। कुशलले ४९ बलमा बलमा ६ चौका र ४ छक्का हाने। ३९ रनमा आउट भएका कप्तान रोहितले ४३ बलमा ५ चौका हाने। सोमपाल कामी ८ र गुलसन झा शून्य रनमा नटआउट रहे भने दीपेन्द्र सिंह ऐरी र कुशल भुर्तेल १ रनमा रनआउट भए। 

यसअघि नेपालले टस जितेर फिल्डिङ रोजेपछि ब्याटिङ गरेको नेपालले निर्धारित ५० ओभरमा ६ विकेटको क्षतिमा २७४  रनको योगफल तयार पारेको थियो। नेपालका लागि सन्दीप लामिछानेले तीन तथा करण केसीले एक विकेट लिएका थिए।