आईसीसी विश्वकप लिग २ मा स्कटल्यान्डको सहज जित

काठमाडौं- आईसीसी विश्वकप लिग २ अन्तर्गत त्रिवी क्रिकेट मैदानमा भर्खरै सकिएको खेलमा स्कटल्यान्डले नामिबियाविरुद्ध सहज जित निकालेको छ। नेपालसँगै नामिबिया स्कटल्यान्ड सम्मिलित त्रिकोणात्मक शृंखलामा नामिबियालाई स्कटल्यान्डले १० विकेटले हराएको हो। खेलमा टस हारेर पहिले ब्याटिङको निम्तो पाएको नामिबियाले ३९ ओभर दुई बलमा सबै विकेट गुमाएर १५३ रन बनाएको थियो। यससँगै स्कटल्यान्डले १५४ रनको मध्यम लक्ष्य पाएको थियो।

जवाफमा स्कटल्यान्डले कुनै विकेट नगुमाईकनै १६७ बल बँचाएर जित निकालेको हो। खेलको पहिलो पारीमा नामिबियाका लागि ओपनर लो आन्द्रे लोन्सले ८८ बलमा ५४ रन बनाएका थिए। बाँकी खेलाडीले राम्रो प्रदर्शन गर्न नसके पनि बर्नान्ड स्कल्जले ३० रन र जेनले २५ रन बनाएका हुन्।

त्यस्तै, निकै पेचिलो बलिङ गरेको स्कटल्यान्डका माइकल लिकले चार विकेट गिराए भने साफयन शरिफ र मार्क वाटले समान ३–३ विकेट गिराएका छन्। दोस्रो पारीमा नामिबियका कुनै खेलाडीले विकेट लिन सकेनन्। १५४ रनको लक्ष्य पाए पनि स्कटल्यान्डका जर्ज मुन्सेले शतक बनाएका छन्।

साथै उनी शतक हान्ने जारी लिगको तेस्रो खेलाडी बनेका छन्। लिगअन्तर्गत यसअघिको खेलमा नामिबियका माइकलले शतक बनाएका थिए भने नेपालका कुशल भुर्तेलले पनि शतक प्रहार गरिसकेका छन्। त्यस्तै, आजको खेलमा मुन्सले ६१ बलमा नै शतक प्रहार गरेका हुन्।

उनले सात छक्का र १२ चौकका साथ शतक बनाएका हुन्। ओपनिङमा मैदान पसेका उनले सकोली कोइटुजरसँग १५४ रनको साझेदारी गरेका छन्। त्यस क्रममा नै उनले शतक प्रहार गरे। त्यस्तै उनको ओपनिङ जोडी कोली कोएट्जरले पनि ४६ रन बनाएका छन्। उनले ७२ बलमा ४६ रन बनाएका हुन्। उनले त्यस क्रममा सात चौका प्रहार गरेका थिए।

यो जितसँगै स्कटल्यान्डले ४६ अंक बनाएको छ। यो जितसँगै ऊ लिग २ को उपाधिभन्दा दुई अंकले मात्र पछि रहेको छ। अब उसले एक जित निकालेमा उपाधि जित्नेछ। स्कटल्यान्डले ओमनलाई जितिसकेको छ भने तेस्रो स्थानको नामिबियाले भने उसलाई भेट्टाउन सक्ने समीकरण अझै बाँकी रहेको छ। अरु टिमले भने उसलाई भेट्न सक्ने छैनन्।