महिला विश्वकपमा अष्ट्रेलियाले बंगलादेशलाई हरायो

काठमाडौं- आईसीसी महिला टी २० विश्वकपमा बंगलादेशले अष्ट्रेलियालाई आठ विकेटले हराएको छ। दक्षिण अफ्रिकामा जारी विश्वकपमा अष्ट्रेलियाले जित निकालेको हो। टस जितेर पहिलो ब्याटिङ गरेको बंगलादेशले पुरा ओभर खेल्दै १० विकेट नै गुमाएर १०७ रन बनाएको थियो।

जवाफमा अष्ट्रेलियाले एक ओभर चार बल बाँकी रहँदै १११ रन बनाएर लक्ष्य पुरा गरेको हो। अष्ट्रेलियाका लागि तीन विकेट गिराएकी जर्जिया प्लेयर अफ दि म्याच बनिन्।

बंगलादेशका लागि नागर सुल्तानले सर्वाधिक ५७ रन बनाएकी थिइन्। बाँकी खेलाडीले राम्रो प्रदशैन गर्न सकेनन्। यता अष्ट्रेलियाको लागि ओपनर एल्से हिलीले ३७ रन बनाइन भने मेग लेनिनले ४८ रन बनाएकी थिइन्।

यो जितसँगै दुई खेलबाट चारअंक बनाएको अष्ट्रेलिया समूह ए को शीर्षस्थानमा छ। बंगलादेश र न्युजिल्यान्डले दुवै खेलमा हार बेहोरेका छन्। अष्ट्रेलियासँगै श्रीलंकाले पनि दुई खेलमा जित निकालेको छ। समूह बीको शीर्षस्थानमा इंग्ल्यान्ड छ।