पहिलो टेस्टमा अष्ट्रेलियाविरुद्ध इन्डियाको सानदार जित

काठमाडौं – आफ्नो दोस्रो पारीमा पनि अष्ट्रेलिया सस्तैमा समेटिएपछी इन्डियाले पहुना टिम अष्ट्रेलियाविरुद्ध पहिलो टेस्ट क्रिकेटमा सानदार जित निकालेको छ। इन्डियाको नागपुर रंगशालामा आज(शनिबार) सम्पन्न पहिलो टेस्टमा आयोजकले एक इनिङ र १३२ रनको जित निकालेको हो।

कमजोर पीचको रहेको भन्दै चर्को आलोचना भएको खेलमा अष्ट्रेलियाका बलर तथा ब्याटर दुवैले राम्रो प्रदर्शन गर्न सकेनन्। यता इन्डियाका बलर र ब्याट्स्मेन दुवैले उत्कृष्ट प्रदर्शन गरेका छन्। टस जितेर पहिले ब्याटिङ गरेको अष्ट्रेलिया १७७ रनमै अलआउट भएको थियो। जसक्रममा अष्ट्रेलियाका ओपनर मर्नुस लुबुसले सर्वाधिक ४९ रन बनाएका थिए। यता भारतका रविन्द्र जाडेजाले पाँच विकेट गिराएका थिए।

खेलको दोस्रो पारीमा ओपनर रोहित शर्माको सानदार सतक(१२० रन), रविन्द्र जाडेजाको ७० र अक्षर पटेलको ८४ रनसँगै भारतले ४०० रन बनाएको थियो। अष्ट्रेलियाका लागि डोड मुर्फी एक्लैले ४७ ओभर बलिङ गरेर सात विकेट गिराएका थिए।

खेलको तेस्रो पारीमा स्टेभेन स्मिथले सर्वाधिक २५ रन बनाएका थिए। यता इन्डियाका लागि रविचन्द्र अश्विनले पाँच विकेट लिएका थिए।

चार टेस्ट खेलको सिरिजको पहिलो खेलमा इन्डियाले जित निकालेको छ। यता, अब आउँदा टेस्ट खेल दिल्ली, धर्मशाला र अहमदाबाद रंगशालामा हुनेछन्।