नेपाल चिकित्सक संघ (एनएमए)को नयाँ नेतृत्वका लागि भएको निर्वाचनको मतगणना जारी छ। मंगलबार बिहानसम्म राजधानीबाहिरको मतगणना सकिँदा ४ हजार ३०० मतगणना भएको छ।
अध्यक्ष पदका लागि भएको निर्वाचनको मतगणानामा सुरुवातीदेखि नै अग्रता लिइरहेका डा. अनिलविक्रम कार्कीको अग्रता कायमै छ।
उनले २ हजार ४१३ मत ल्याएका छन्। उनलाई पछ्याइरहेका डा. सन्तोष पौडेलले १ हजार ५९८ मत ल्याएका छन्।
यसैगरी अध्यक्षका अर्का प्रत्यासी डा. शिवजी विक्रम सिलवालले १८३ मत ल्याएका छन्। महासचिवमा डा. संजीव तिवारी १ हजार ९२८ मतका साथ अग्र स्थानमा छन् भने डा. अमृत भुसाल १ हजार ०८१ मतका साथ दोस्रो स्थानमा छन्। डा. रक्षा श्रेष्ठले भने १ हजार ०४४ मत ल्याएकी छन्।
मधेश प्रदेशको उपाध्यक्षमा डा. निरजकुमार सिंह २हजार ०८८ मतका साथ अग्र स्थानमा छन् । उनलाई पछ्याइरहेका डा. महेश महासेठले १ हजार ०८३ र डा. अजयकुमार मिश्रले ७८० मत ल्याएका छन् । बागमती प्रदेशको उपाध्यक्षमा डा. प्रकाश बुढाथोकीले २ हजार ३३३ मतका साथ अग्रता बनाइरहेका छन् उनलाई डा. संजय ठाकुरले १ हजार ६०१ मतका साथ पछ्याइरहेका छन्।
गण्डकी प्रदेशमा डा. राजन शर्माले २ हजार ३१७ मतका साथ अग्रता हासिल गरिरहेका छन् भने उनलाई डा. विकास गौचन १ हजार ५७९ मतका साथ पछ्याइरहेका छन्। यस्तै, सुदूरपश्चिम प्रदेशको उपाध्यक्षमा डा. प्रकान्त भट्ट २ हजार २८२ मतका साथ अग्र स्थानमा छन् भने उनलाई डा. निरज अर्याल १ हजार ५८९ मतका साथ पछ्याइरहेका छन्।