इलाममा एक महिला मृत भेटिइन्

काठमाडौं- इलामको साङ्रुम्बामा एक महिला (कमला तामाङ) मृत अवस्थामा भेटिएकी छन्। गत शुक्रबारबाट हराइरहेकी कमला आइतबार बिहान मृत अवस्थामा भेटिएकी हुन्।

इलामा नगरपालिकाको साबिक साङरुम्बा वडा- ९ कि कमला तामाङ आफ्नै घरमा शरीरभरी रगम पोतिएको अवस्थामा मृत भेटिएकी हुन्।

इलाका प्रहरी कार्यालय मंगलबारेका प्रमुख तथा प्रहरी निरीक्षक रंजन बरालले मृतकलाई पोस्टमार्टमको लागि इलाम अस्पताल पुर्याइएको जानकारी दिएका छन्। पोस्टमार्टम रिपोर्ट आएपछि मात्र घटनाको छानबिनले मोड लिने बरालको तर्क छ।

भेटिएको अवस्थामा उनको आँखा फुटेको छ भने मुखमा पट्टी बाधेको प्रत्यक्षदर्शीले बताएका छन्। उनी गत सुक्रबारदेखी गाउमा नदेखिएको स्थानीयको भनाई छ।