बक्स अफिसमा नयाँ रेकर्ड बनाउँदै पठान

फिल्मले सबैभन्दा छोटो समयमा ४ सय करोडभन्दा बढीको व्यापार गर्ने हिन्दी चलचित्रको रेकर्ड पनि कायम गरेको छ। चौथो दिनमात्र पठानले १०० करोडभन्दा बढीको बिजनेस गरेको छ।

नेपाल समय | आइतबार, माघ १५, २०७९

नेपाल समय

आइतबार, माघ १५, २०७९

काठमाडौं- शाहरुख खानको पछिल्लो फिल्म पठानले भारतका साथै अन्य देशमा पनि बक्स अफिस रेकर्ड तोड्ने क्रम जारी छ। फिल्म निर्माता कम्पनी यश राज फिल्म्सका अनुसार चार दिनमा पठानले विश्वर ४२९ करोड (चार अर्ब २९ करोड) कमाइसकेको छ।

योसँगै फिल्मले सबैभन्दा छोटो समयमा ४ सय करोडभन्दा बढीको व्यापार गर्ने हिन्दी चलचित्रको रेकर्ड पनि कायम गरेको छ। चौथो दिनमात्र पठानले १०० करोडभन्दा बढीको बिजनेस गरेको छ। पठानमा शाहरुख खान, दीपिका पादुकोण र जोन अब्राहम मुख्य भूमिकामा छन्।

शाहरुख चार वर्षपछि ठूलो पर्दामा फर्केका हुन्। जनवरी २५ मा पठान हिन्दीका साथै तमिल र तेलुगु भाषामा रिलिज भएको थियो। इन्डियन एक्सप्रेसका अनुसार विश्वका एक सयभन्दा बढी देशका करिब ८ हजार स्क्रिनमा पठान प्रदर्शन भइरहेको छ।

प्रकाशित: Jan 29, 2023| 07:46. 30 आइतबार, माघ १५, २०७९