इरान र अजरबैजानमा भूकम्प, ५ को मृत्यु, ८०० बढी घाइते

काठमाडौं– इरानको उत्तर पश्चिम कोयमा केन्द्रबिन्दु बनाएर ५.९ रेक्टरको भूकम्प गएको छ। शनिबार राती गएको शक्तिशाली भूकम्पमा परेर इरानमा कम्तीमा ३ र अजरबैजानमा २ जनाको मृत्यु भएको अन्तर्राष्ट्रिय सञ्चार माध्यमले जनाएका छन्।

भूकम्पमा परेर दुवै मुलुकमा करिब ८०० बढी धेरै घाइते भएको बताइएको छ। घाइते हुनेमा इरानमा ३०० र अजरबैजानमा ५०० रहेका छन्। भूकम्पको झट्का छिमेकी टर्की, इराक तथा अर्मेनियामा पनि महसुस भएको थियो। भूकम्पका कारण इरान र अजरबैजानमा धेरै घर भत्किएका छन्।–एजेन्सी