‘रवि लामिछानेले राज्यलाई छल्ने, गलत सूचना दिने काम गरे’

काठमाडौं– वरिष्ठ अधिवक्ता सुरेन्द्र भण्डारीले उपप्रधान एवं गृहमन्त्री रवि लामिछानेले हरेक कुरामा राज्यलाई छल्ने, गलत सूचना दिने काम गरेको आरोप लगाएका छन्।

शुक्रबार सर्वोच्च अदालतमा जारी बहसका क्रममा रवि सांसद पदका लागि अयोग्य भएको दाबीसहित उनले यस्तो बताएका हुन्। शपथ पनि लिन नपर्ने, निस्सा पनि पेस गर्न नपर्ने, सहीछाप पनि गर्न नपर्ने, फोटो टाँस्न पनि नपर्ने तर सरकार आफ्नो हातमा लिनुपर्ने रवि प्रवृत्तिले देशका नागरिकहरू अल्पमतमा पर्ने उनको भनाइ थियो। 

‘उहाँले हरेक कुरामा राज्यलाई छल्ने, गलत सूचना दिने गर्नुभएको छ। रविले इमानदारी देखाउनुभएको छैन। उहाँ अमेरिका अध्ययन गर्न गएको भन्नुभएको छ तर भर्खरै आईएसम्म पढेको भन्नुभएको छ। अमेरिका गएर पढेको छैन भन्नुभएको छ।’

भण्डारीले रविमा निष्ठा र आस्था नै नभएको बताए। ‘जिल्ला प्रशासन कार्यालयमा गएर दस्तखत गर्नुपथ्र्यो, सहीछाप गर्नुपथ्र्यो। त्यो उहाँले गर्नुभएको छैन,’ उनले भने।