यातायात कार्यालय धनकुटाका प्रमुखलाई कालोमोसो

बुधबार दिउँसो लुइँटेलमाथि कार्यकक्षमै कालोमोसो छ्यापिएको हो।

नेपाल समय | बुधबार, माघ ११, २०७९

नेपाल समय

बुधबार, माघ ११, २०७९

यातायात कार्यालय धनकुटाका प्रमुखलाई कालोमोसो

काठमाडौं- यातायात व्यवस्था कार्यालय धनकुटाका प्रमुख बाबुराम लुइँटेललाई नेकपा (बहुमत) का कार्यकर्ताहरूले कालोमोसो दलेका छन्। बुधबार दिउँसो लुइँटेलमाथि कार्यकक्षमै कालोमोसो छ्यापिएको हो।

नेकपा (बहुमत) धनकुटा संयोजक मोहन घलेले विज्ञप्तिमार्फत कालोमोसो छ्यापिएको जिम्मा लिएका छन्। उनले कार्यालय प्रमुख लुइँटेललाई सेवाग्राहीबाट प्रतिव्यक्ति १८ हजार रूपैयाँसम्म घूस लिने गरेको आरोप लगाउँदै पार्टीलाई प्राप्त भएको गुनासोका आधारमा छानबिन गर्दा प्रमाणित भएकोले चेतावनीस्वरुप कालोमोसो दलेको बताएका छन्।

कर्मचारीहरूले कार्यालयमा काम गर्ने वातावरण नबनेको भन्दै सुरक्षाको व्यवस्था नभएसम्म काम नगर्ने चेतावनी दिएका छन्। घटनामा संलग्नलाई पक्राउ गरी कारबाही गर्न समेत उनीहरूले माग गरेका छन्।

धनकुटा प्रहरीले कार्यालय प्रमुख लुइँटेलमाथि कालोमासो दलेको घटनामा संलग्न रहेका व्यक्तिहरूको पहिचान भए पनि कोही पक्राउ नपरेको जनाइएको छ। उनीहरुको खोजी भइरहेको प्रहरीले जनाएको छ।

प्रकाशित: Jan 25, 2023| 18:38 बुधबार, माघ ११, २०७९