हेलिकोप्टर दुर्घटनामा यूक्रेनका आन्तरिक मामिलामन्त्रीसहित १६ जनाको मृत्यु

काठमाडौं- यूक्रेनमा हेलिकोप्टर दुर्घटना हुँदा त्यहाँका आन्तरिक मामिलामन्त्रीसहित १६ जनाको मृत्यु भएको छ। बुधबार कीभको पूर्वी उपनगर ब्रेभरीमा भएको उक्त दुर्घटनामा मन्त्रीसहित दुई बालक पनि रहेको अमेरिकी न्यूज एजेन्सी एसोसिएटेड प्रेसले जनाएको छ।

दुर्घटनामा आन्तरिक मन्त्री डेनिस मोनस्टीस्की, उनका सहायक येभेन येनिन र अन्तराष्ट्रिय मामिला मन्त्रालयका राज्यसचिव युरी लुबकोभिचको पनि मृत्यु भएको यूक्रेनका राष्ट्रिय प्रहरी प्रमुख इहोर क्लिमेन्को बताएका छन्।

हेलिकोप्टरमा नौ जना सवार रहेकोमा दुर्घटना भएको ठाउँमा बालबालिका र महिलासहित सात जना मारिएको उनले बताएका छन्। १० बालबालिकासहित २२ जना घाइते भएको बताइएको छ।