यतीको आजका सबै उडान स्थगित

काठमाडौं- यती एयरलाइन्सले आजका लागि पूर्वनिर्धारित सबै उडान स्थगित गरेको छ। आइतबार साँझ सूचना जारी गर्दै एयरलाइन्सले आजका लागि तोकिएका सबै नियमित उडान रद्द गरिएको जनाएको हो।

एयरलाइन्सले आपत्कालीन र उद्धार उडान भने जारी रहने जनाएको छ। आइतबार बिहान १० बजेर ३२ मिनेटमा काठमाडौंबाट पोखराका लागि उडेको ९ एनएएनसी विमान पोखरा विमानस्थलनजिक सेती नदीको खोँचमा खसेको थियो ।

विमानमा चालक दलका चार सदस्यसहित ७२ जना सवार थिए। त्यसमध्ये हालसम्म ६८ शव फेला परेको र तीन जनाको खोजीकार्य जारी रहेको छ।